mi wile tawa ma Mewika! (nanpa wan)
toki!! mi sitelen ala lon tenpo suli la mi wile pana e sin tawa ale.
tenpo open pi tomo sona la mi kama sona e ni: nasin pona pi tawa ma Mewika li lon. ona li tenpo tawa sona tawa musi. jan Mewika en jan pi ma ante li tawa ma pona li kama sona e ijo pona. ma ante la jan Kota Wika li ken tawa kin! taso, jan ni li ken wan a.
kin la, tomo sona li ken pana e jan wan tawa lawa tenpo. jan wan li kama mi! ni la, mi alasa kama e nanpa wan pi ma mi ale. ni la, mi ken tawa!
mi pilin e ni: mi jo e wile suli e pali pona mute la mi ken tawa. taso, jan ante li ken tawa kin la, mi o pali suli. ken la (mi sona ala), mi o toki tawa lawa, ona li sona e mi. ale li pona la, mi toki tawa ona, mi kama nanpa wan, mi tawa ma Mewika!
pilin mi li pona a. tenpo pini utala la mi sitelen e lipu pi nanpa tu. ni la sina ken sona e sin.
o pona!